Kajeng nabi di undang saking sisih tengen lan kiwo

Sahabat pemahos SantriLampung ingkang dipun rahmati Allah;  Sak sampunipun ningali peristiwa peristiwa aneh, kanjeng nabi ngelajengake perjalanan Isro malih kalihan jibril.

Sinareng kanjeng nabi nerusake tinda'ipun; dumadaan wonten undang undang saking sisih tengenipun; Hei Muhammad! Kulo panjenengan entosi, kulo bade tangklet dateng panjenengan. Ing ngriku kanjeng nabi boten ngopeni undangan tiyang kolowahu.

Lajeng kanjeng nabi tangklet dateng moloikat jibril; mekaten puniko menopo he jibril?; pemature jibril; mekaten kolowahu pengundangipun tiyang yahudi. Panjenengan kerso inget; sak estunipun upami panjenengan kolowahu kok anjawab, temtu umat panjenengan bade sami dados yahudi.

Pramilo umat Islam kedah waspodo, jalaran sampun temtu bilih tiyang yahudi puniko mesti usaha sak saget sagetipun sehinggo umat Islam anut agomi yahudi.

Banjur sinareng nerusake tindak malih, dumadaan (ujuk ujuk) wonten undang undang malih saking sisih kiwonipun; Hei Muhammad! Kulo panjenengan entosi, kulo bade tangklet dateng panjenengan. Kanjeng nabi boten nggubris malih.

Lajeng kanjeng nabi tangklet dateng moloikat jibril; mekaten puniko menopo he jibril?; pemature jibril; mekaten puniko pengundang-undangipun tiyang nashroni. Kulo aturi iling,  sak estu upami panjenengan jawabi, temtu umat panjenengan sami anderek nashroni.

Barokallohu fiy kum ...